650 Usurbil bizi
.
Honako hau Usurbilgo turismo ataria duzu baina hemen topatuko duzuna ez da ohiko turismo eskaintza bat.
Betiko eskaintzez bereiziko den zerbait bilatzen duten bisitarientzat eginiko eskaintza da gurea.
Uste dugu turismoa ere mundu hobe baten aldeko tresna eraldatzailea izan daitekela. Are gehiago, bizi garen munduan eredu berriak sortzea eta eraikitzea beharrezkoa dela uste dugu: justizia sozialean, naturarekiko errespetuan, kultur eta identitate aniztasunean eta gutxiengoen errespetuan oinarritutako mundua nahi dugu.
Eta proiektu sakon eta berritzaile baten bidez zuretzako, beste zerbait bilatzen duen bisitariarentzako eskaintza erakargarria osatzen hasi gara.
Funtsean turismoa ere, hainbeste albo kalte eta zalantza sortzen dituen kontzeptua, baloreak zabaltzeko, gauzak egiteko modu berritzaileak erakusteko, gizarte eredu berri bat proiektatzeko erakusleihoa izan daitekeela uste dugu.
Usurbilen beste mundu bat posible dela erakutsiko dizun herria eta herritarrak aurkituko dituzu: gizarte eta kultur proiektu eraldatzaileak ezagutzeko aukera, natura aisialdiaz gozatzeko formulak, guztion eskura dagoen kaleko artea, sagardoaren kultura eta nekazaritza eredu berritzaileak, bertako produktuak eskuratu, memoria historikoa, euskararen presentzia zabala, ondare zaindua…
Usurbil, bestelako herri bat beste mundu bat nahi duen bestelako bisitariarentzat!
650 USURBIL BIZITZEKO · 650 USURBIL BIZITZEKO · 650 USURBIL BIZITZEKO · 650 USURBIL BIZITZEKO · 650 USURBIL BIZITZEKO ·
Agenda Kulturala · Agenda Kulturala · Agenda Kulturala · Agenda Kulturala · Agenda Kulturala · Agenda Kulturala · Agenda Kulturala
