Beste mundu bat posible dela sinisten baduzu hemen duzu zure neurriko eskaintza: Usurbilek burutzen duen hondakinen kudeaketa zirkularra eredugarria da Europa osoan, kontinente osoko tasarik handienak dituen herria izanik. Herritarren gehiengoaren borrokak eta erabakimenak hasitako bide honek eman ditu bere emaitzak. Usurbil 0.0 hondakinak kudeatzeko plangintzak gidatzen du Udalaren jarduna eta gure kale eta inguruetan gertutik ezagutu ahal izango duzu atez ateko sistema, auzo konpostagailuak, errefusa tratatzeko modu berritzaileak… Hori guztia eta gehiago, gozatuz ezagutzeko eta ezagutuz gozatzeko.
Bisitatu gure kaleak eta ezagutu bertatik bertara Usurbilgo hondakinen trataera.
Usurbilgo hondakinen bilketa sistema azaltzen duen bisita gidatu honetan, atez ateko sistema, auzo konpostaguneak, … ezagutuko ditugu gida baten laguntzaz.
